तामाङ चिकित्सक समाज नेपालद्वारा निशुल्क स्वास्थ्य सेवा सञ्चालन।

तामाङ चिकित्सक समाज नेपाल, नेपाल तामांग घेदुङ्ग र बोधीसत्व बिहार र जनता समाज युबा संघको  संयुक्त आयोजनामा स्वास्थ्य चेक जाँच कार्यक्रमका साथै होम आइसोलेसनमा रहेकालाई स्वास्थ्य परामर्श, कोभिड एन्टिजेन  टेस्टिङ  साथै स्वास्थ्य सामग्रीहरु बितरण गरेका छन्। 

पहिलो दिनको कार्यक्रम मिति: २०७८ साल जेठ २६ गते सैलुङ  गाउपालिका, भुरुङ गाउँ , वार्ड ३, दोलखामा गरिएको थियो।जस अन्तर्गत ५७ जनामा बिरामीहरुमा एनटिजेन कीट टेस्ट गरिएकोमा ३ पोजिटिभ देखिएको थिए।कार्यक्रम पश्चात् बिरामीहरुमा मनोबल बढाउने उदेश्यले जनतामुलक सन्देश र स्वस्थ्य परामर्श समेत दिएका थिए।

दोस्रो दिनमा सैलुङ गाउँपालिका ,भैसे गाउँ , वार्ड ८, दोलखामा बिहान ५ बजे देखि बेलुका ८ बजे सम्म ४१ जना बिरामीको एनटिजेन कीट टेस्ट गरिएकोमा ११ जनाको पोजेटिभ देखिएको हो।समयको अभावको कारण बिरामीको परिक्षण नभ्याएको भन्दै स्थानीयका अनुरोधमा  कार्यक्रम एक दिन थप गरि भैसे गाउँ , वार्ड ८मा पुनः तेस्रोदिन कार्यक्रम  सञ्चालन गरिएका थिए।

उक्त कार्यक्रमको बिछ स्वस्थ्य  सामाग्री वितरण समेत गरिएको थियो।जस अनुसार स्वास्थ्य सामाग्रीहरुमा

PPE : 10 set

Sanitizer : 100 pieces(50ml)

Faceshield :20

Surgical mask :10 box

required medicines,रहेका थिए।सोही कार्यक्रममा जनचेतनामूलक प्याम्प्लेट वितरण र परामर्श  समेत दिएका थिए।

तामङ चिकित्सक समाजको तर्फबाट अभियानमा प्रत्यक्ष रुपमा सहभागी हुने डा. सन्जित तामाङ्ग, डा. निराजन तामाङ्ग , डा. अन्जन लामा , डा. प्रियका ढकाल , सन्जिता राउत लगायत अप्रत्यक्ष रुपमा सहयोग गर्नु हुने सम्पुर्ण डाक्साब हरुलाइ धन्यवादका  साथै अभियानलाई  सार्थक बनाउन सहयोग गर्ने नेपाल तामाङ्ग घेदुङ्ग , बोधिसत्व विहार, जनता समाजवाद युबा संघ  , सैलुङ गापा वार्ड ३र ८ का जनप्रतिनिधिलाई तामाङ्ग चिकित्सक समाज ,नेपालका अध्यक्ष डाक्टर दिलबहादुर तामाङ थोकरले धन्यवाद दिएका थिए।