सिम्रन माेक्तान तामाङ ( सिमरन "N.M" )काे "काेराेनाला सुर्ता" सार्वजनिक

सिन्धुपाल्चोक,भाेटेकाेशी गाउपालिका - ५ मार्मिङकि कवियत्री सिम्रन माेक्तान तामाङ (  सिमरन "N.M" )काे तामाङ भाषाकाे कविता " काेराेनाला सुर्ता" सार्वजनिक गरिएको छ । नाेवेल भाइरसकाे रुपमा फैलिएको काेराेना भाइरसले मानव जातिमा पुर्‍याएकाे क्षति , त्रास तथा दु:खलाइ सम्झेर तामाङले अाफ्नै मातृभाषामा कविता रचेर सार्वजनिक गर्नुभएको हाे । उहाँको कविता यस्तो रहेको छ :-
"कोरोनाला सूर्ता "

ङा ब्लब्जी
ल्हाना सिजि
आशाला ह्यालकदे दोप तजि
सेमनोन क्युइजी
तिङ स्हु खजि
सिसा थिबा ह्राङनोन थिजी
धोप धोप तजि जम्बुलिङ
फुप्जी म्हाङ्ला धिम
ह्राङलनसे ह्रोलाब ख्लाजी
नोबा ग्ला ग्याम ताइबा ह्राङ तजि
छ्याम ब्राबा गोङ्मा फेमा
चुङ्बा या ख्लामा
छेर स्हु खजी
साङ्गुलसे ह्लिक्पा ह्राङ
क्रास्या ल्हिक्जी
क्राङ क्युर्जी
थोम तजि
ल्हुइ क्योङ्नोन
स्वहार ठम्जि
कोभिड १९
कोरोना भाइरस ह्राङ ।
गिक,ङ्हि, सोम तेन ब्लि लसि
ग्यार्जा गिक से च्युइ कु कब्जी
दरेम सिला वा म्हान्जी
सोबाला ल्हाना म्हाङ थोसी
धिम न्हाङरिन च्युप्सी टिजि
धिम न्हाङरी टिना टिनान
सेम्से ह्युल क्योङ जम्बुलिङ कोर्म
कोरोना ठुङ्बा ग्ला
बोइ ह्युल बुहान त म्राङ्जी
थेरी ह्राङनोन चोइ तसी
कोरोना ग्याम थारेङ टिला वा बिसि
यम्बु ख्लसी नाम्साधिमरी खजी
तिनिम अज्याना म्हान्जी
ग्यागर ह्युलग्याम खबा कदेसे
ल्हाना कोरोना बजि बिबा थेजी
तिला, तिनि तेन न्हाङ्गर लसि
ङाला तराई जे अहिन
क्योङनोन नेपाल ह्युल
कोरोना एसे गोल्सेसे
मिल ग्लोङला वा म्हान्जी ।

                 
                   लेखक:-
सिम्रन माेक्तान तामाङ (सिमरन "N.M")
भोटेकोसी गाउँ पालिका - ५ मार्मिङ, सिन्धुपाल्चोक