सिजो-श्रीराम श्रेष्ठ

सिजो                                                     - श्रीराम श्रेष्ठ                               १,
विद्रोही हुनुपर्छ अन्यायमा आफू पर्दा
सानले बाँच्नैपर्छ हटाउँदै थुप्रो जति
बचेर आफू उभिँदा मृत्यु पनि तर्सिन्छ ।


२,
दृढता लिनुपर्छ समालेर आफैलाई
बुझेर इतिहास खोज्नुपर्ने गोरेटोमा
आफैंले खोजेको गाथा सुनाउनु बेस्सरी ।


३,
मान्छेले चाहदामा सबै थोक कहाँ हुन्छ
घृणाले थिचेपछि लाजमर्दो भइदिन्छ
इमान बेचिदिएमा आफै पनि रहन्न ।

४,
डुबुल्की मार्दामार्दै थाकिएको तिम्रो आँखा
किनारा खोज्दाखोज्दै सिङ्गो रात भूइँभरि
आत्तिँदो लहड मेरो सकिएन आँटले ।

५,
डरले सातो गयो मुटु छाम्दा ढुकढुकी
समाल्नै गाह्रो थियो आफ्नो ब्यथा सम्झिएर
चिम्लेर सोचिरहँदा आफैदेखि तर्सेको ।

६,
चट्टान जस्तै बनेँ सधैँ जसो इमान्दार
लोभले नैतिकता सिध्याउँछ सबैतिर
जिन्दगी दुई दिनको बुझ्नुपर्छ आँखाले ।