डिल बहादुर लामा-बेलकोटगढी।नेपाली काँग्रेसले नगरपालिकामा हुने हरेक कार्यक्रम नागरिकमुखी र बिकासको बास्तविक अनुभूति हुनेगरी बजेट निर्माण गर्न बेलकोटगढी नगरपालिकासंग माग गरेको छ ।
नेपाली काँग्रेसको निर्वाचन क्षेत्र नम्वर २ , प्रदेशसभा ‘क’ प्रदेश समिति र बेलकोटगढी नगर ईकाईले सोमबार नगरपालिकालाई संयुक्त रुपमा ध्यानाकर्षणपत्र बुझाउँदै बिकासको नाममा प्राकृतिक स्रोतहरुको दोहन गर्ने प्रबृत्तीको अन्त्य गरिनुपर्ने माग गरेको छ । बालबिकास सहयोगी र बिद्यालय कर्मचारीहरुलाई श्रम ऐन अनुसार पारिश्रमिक उपलब्ध गराईनुपर्ने, क्वारेन्टाईनमा बसेकाहरु सबैको पिसिआर परीक्षण गर्नुपर्ने माग समेत गरेको छ ।
काँग्रेसका प्रदेश सभापति यादवराज नेपाल र नगर सभापति गोकुलप्रसाद दहालद्वारा हस्ताक्षरित ११ बुँदे ध्यानाकर्षणपत्रमा नगरपालिकाभित्र बेथितीहरु बढ्दै गएको र नागरिकमा स्थानीय सरकारप्रतिको बिश्वास घट्दै गएकाले पार्टी भन्दा माथि उठेर नगर बिकासमा केन्द्रीत रहन आग्रह समेत गरिएको छ ।
Comments