जयन कुमार मोक्तानको छायांकनमा बन्यो -म्हाङ तामाङ छोटो चलचित्र

डिल बहादुर लामा-नुवाकोट ।नेपाली समुदायमा परापुर्व कालदेखी किचकन्याको कथा नसुन्ने र थाहा नहुने मानिस नै छैन होला । काठमान्डौ शहरको बिभिन्न ठाउँहरुमा समेत किचकन्या (किचकन्डी) भेटिएको हल्लाहरु धेरै सुन्न सकिन्छ । बिशेष गरी एकान्त र रातिको समयमा झम्का भेट हुने किचकन्या अबिवाहित महिला मृत्‍यु भए पछी किचकन्याको रुप लिने जन विश्वास रहेको पाईन्छ । किचकन्याले अविवाहित युवालाई आफ्नो माया जालमा पारी बलत्कार गर्ने जनबिश्वास रहेको छ । बलत्कार गर्दै अविवाहित पुरुषको ज्यान नै जाने सेमतका घटना सुन्न सकिन्छ । यसै बिषयलाई आधारमानी जितेन्द्र राजोपाध्यायको निर्देशनमा लकडाउनकै समयमा किचकन्या नामक चलचित्र निर्माण भएको छ । 

चलचित्रलाई तामाङ, नेपाली र नेपाल ३ भाषामा डबिङ गरेको छ भने नेपालीमा किचकन्या र तामाङ भाषामा म्हाङ नाम राखेको छ । चलचित्र २३ मिनेट १७ सेकेन्डको रहेको छ भने चलचित्र किचकन्यामा हरी कृष्ण शाही, जयन कुमार मोक्तान र सुस्मिता घ्लानको अभिनय रहेको छ भने यस चलचित्रमा जयन कुमार मोक्तानको छायाङकन रहेको छ । चलचित्र छायाङकनको क्रममा सामाजिक दुरी कायम गर्दै छायाङकन गरेको निर्देशक जितेन्द्र राजोपाध्यायले जनाकरी दिएका छन । कुमार लामा योन्जनको पार्ष्व संगित रहेको यस चलचित्रमा निर्देशक राजोपाध्यायले सम्पादन गरेका हुन । लकडाउनकै अवधीमा आक्रान्त चलचित्र म्युजिक भिडियोको सेमत निर्माण भएको थियो भने अब केही समयमा बोक्सी नामक चलचित्र पनि निर्माण हुने निर्देशकले बाताएका छन ।

चलचित्र हेर्नको लागि तल दिएको लिंक खोल्न नबिर्सिनुहोला।

Https://Youtu.Be/ABDL_z_jqew