सिजो कविता - श्रीराम श्रेष्ठ

 सिजो कविता 

  - श्रीराम श्रेष्ठ 

१,

राखेर तिमीलाई मुटुभरि सजायथेँ

सम्झेथेँ विश्वासले आस्था निभ्न कहाँ देला

आखिर लत्याइहाल्यौ दोबाटोमा एक्ल्याई ।

२,

लेखेर चिठ्ठीपत्र उनीलाई पठाइयो

बौलाह जस्तै भएँ तिनलाई सम्झिएर

ब्यर्थको मुडे अडान देख्दादेख्दै जाकियो ।

३,

मायालु तिम्रो रुप हेर्दाहेर्दै लोभिएछु

प्रस्ताव राख्नलाई आँट गर्दै लम्किएको

मनको चाहनालाई बुझिदिँदा अनौठो ।

४,

तस्विर पल्टाउँदा झलझली आँखाभरि

सकिनँ पन्छाउन गरेकी थ्यौ रुवाबास

बाध्यता आफैं बोकेर टाढासम्म पुगेथें ।

५,

सोचेको माया जति घोप्टाउन सकिएन

नजिक हुँदाखेरि आँखा पनि टाढा भयो 

मनको पोको फुकाउँ भन्दा आफै चुँडितो ।

६,

इसारा बाटो बन्यो तिमीसँग भेट गर्न

मनको सपनाले डोर्‍याउला तिमीलाई 

तिमीले बिँउझाउँदा न्यानो घाम भागेछ ।