तान्का कविता-श्रीराम श्रेष्ठ #आस्थाको रात, छिप्पिएको सम्झना ,बिर्सेको यात्रा , हुस्सु छिर्दा बिहानी , निन्द्रा खलबलिँदा ।

 तन्का कविता 

- श्रीराम श्रेष्ठ 

१.

आस्थाको रात

छिप्पिएको सम्झना

बिर्सेको यात्रा 

हुस्सु छिर्दा बिहानी

निन्द्रा खलबलिँदा ।

२.

सुनेँ र देखेँ

त्यो तिम्रो अनुहार

गुराँस जस्तै

सधैँ फुलिरहने

अजम्बरी बुटिझैँ ।

३.

नक्कली हाँसो

खित्का छाडेको आँखा

चढेको बैँस 

खोल्सामा चिप्लिएर 

पछारिँदाको हाँसो ।

४.

औँसीको रात

अँध्यारो खप्टिएर

अलिनो स्वाद 

निदाउन खोजेको

चिसो बिहानी हावा ।

५.

सिरकभित्र

जाडो कोच्चिन पुग्दा

हल्लियो छाया

थिलथिलो सिरक

निसास्सिएको गन्ध ।