तान्का-पुष्कर लोहोनी

 तन्का

- पुष्कर लोहनी 

१,

कसरी भुलूँ

पत्तै पाइनँ मैले

भोग्नु हो भोगेँ

बिछोड भइहाल्छ

घोप्टाइदिए पनि ।

२,

बाटो खोजेको

धोकै धोकाको सिँढी

गुदी खोजेको

खोज्दा आँखै बिर्सिएँ

अलमलिँदा रोएँ ।

३,

समुन्द्र डुल्दा

गहिरिएको माछो

बिर्सेको आँखा

आफैभित्र पोखिँदा

एउटैमा एक्लिँदा ।

४,

बाँसुरी रुप

लीलैलीला थुप्रेछ

एक्लिँदो मिरा

पोखिँदा भाँडो रित्तो 

फुटेको कालो घैँटो ।

५,

शून्य भावना

लत्याएर छाडेको

पिउने रहर

भोगेको इतिहास 

आफैभित्र भुलेको ।

६,

पलाइहाल्छ

काटेर फाले पनि 

हुर्केको बेर्ना

सुकेको बाङ्गो हाँगा

आगो भएर पोल्छ ।