सिजो कविता - श्रीराम श्रेष्ठ

 सिजो कविता 

      - श्रीराम श्रेष्ठ 

१,

सम्झेको तिमीलाई बिस्तारमा पल्टेपछि

नजिक हुँदाखेरि बेवास्तामा बित्यो दिन

तड्पिइ बाँचिरहँदा जीवन नै भार भो ।

२,

सम्झने बानी मेरो रहिहाल्छ एकनास

आफैले एकोहोरो आफ्नै ठानी सम्झिदिए

अहिले नसम्झिनाले रन्थनिएँ चिम्लँदै ।

३,

आशामा सधैँ बसे इमान्दार सम्झीसम्झी

झुटमा बितिगयो सधैँभरि कालो मन

तड्पिए जीवनभर तिमिलाई सम्झेर ।

४,

भेटेथेँ राम्रोसँग चिनजान गरेपछि 

नजिक रहँदामा मायाप्रेम साटासाट 

एक्लिन खोजेको देख्दा मुख खोल्नै हतार ।

५,

भेटेको हिजो जस्तै लागेको`थ्यो मनखुसी

बसेरै कुरा गर्यौ धेरै पल्ट तिमीसँग

सुन्दैछु सदाका लागि अर्कैसँग भागिछ ।

६,

विरक्त जीवनमा एक्लैएक्लै रमाइलो 

नसामा झुम्दाझुम्दै काललाई निम्त्याइयो

आखिर जिउने इच्छा दिवास्वप्न भएछ ।