नुवाकोट । करण तामाङ घ्लान सायरले नयाँ बुसाेकुसेकिकाहरु सार्वजनिक गरेका छन् । बुसाेकुसेकिका जापानी साहित्यकाे एक लाेकप्रिय कविता विधा हाे । सायरले जापानी साहित्यलाई अंगाल्ने क्रममा जापानी साहित्यकाे धेरै विधाहरुमा कलम चलाईसक्नु भएको छ । जसमध्ये बुसेकुसेकिका एक हाे । नेपाली भाषामा बुसाेकुसेकिका यसरी लेख्नुभएको छ :-
एक)
हिमाली गाेरी
टुङ्नाकाे टुङटुङ
शेर्पेनी कान्छी
भेँडी गाेठमा बाँस
अँधेरी रातभर
गाँसेकाे रे पिरती ।
दुई )
सन्ध्याकाे प्रेम
मिलेको स्पर्शहरु
झन झमक्क
मितेरी सुरुभयाे
रसाए विस्तारमा
टुट्दै छ बाँधहरु ।
तीन)
सारङ्गी राेयाे
फकाउने बाँसुरी
मधुर धुन
त्याे अाडमा बसेकाे
सुरमा ताल छैन
भनिन्छ जिन्दगानी ।
चार)
मन्द मुस्कान
ढाकिदियाे सिरक
पहिलाे भेट
अंगालोनै च्यापेर
जाेडिएकाे निधार
सुस्तरीमा पिरती ।
पाँच)
मै मात्र मिठाे
बेस्सरी भर्याे रस
घमण्डी फल
सकेपछि चुसेर
छाडिदिए सबले
चाउरीए जवान ।
छ)
फूल्ने बेला थ्याे
भन्छ दुर्घटनामा
सपनाहरु
छलकपट जिन्दगी
अाशाका त्यान्द्राेहरु
पलुवा बनेको छ ।
सात )
जवान भयाे
स्याना तन्नेरीहरु
निमय उस्तै
हलक्क बढेपछि
अटेसमटेस छ
दुई अाँखाकाे यात्रा ।
Comments