नुवाकोटको पूरानो क्याम्पस नुवाकोट आदर्श बहुमुखी क्याम्पसमा क्याम्पस प्रमुखद्वारा प्राध्यापकमाथि दुर्व्यवहार भएको छ ।
नुवाकोट आदर्श बहुमुखी क्याम्पसको पब्लिक क्याम्पस प्राध्यापक संघले आज बिहान करिब ८:५० तिर क्याम्पस प्रमुख भोलाप्रसाद पाण्डेले बिद्यार्थी, कर्मचारी र प्राध्यापकहरु छलफल भैरहदा प्राध्यापकहरुको मान मर्यादा नराखी दुर्व्यहार गरेकोमा खेद प्रकट गरेको छ ।क्याम्पस प्रमुख भोलाप्रसाद पाण्डेले पब्लिक क्याम्पस प्राध्यापक संघका अध्यक्ष जितेन्द्र अर्याल र प्राध्यापक द्वारिकाप्रसाद पाण्डेमाथि अश्लिल शब्द प्रयोग गर्दै अमानविय ब्यबहार देखाएको ब्लिक क्याम्पस प्राध्यापक संघले अखबार पाटीलाई जानकारी दिएको छ ।बिगतमा पनि यसरी नै प्राध्यापकमाथि पटकपटक गरिएको दुर्ब्यबहारले सम्पूर्ण प्राध्यापकको अपमान भएको भन्दै पब्लिक क्याम्पस प्राध्यापक संघले खेद प्रकट गरेको हो । पब्लिक क्याम्पस प्राध्यापक संघले जारी गरेको खेद पत्रमा क्याम्पस प्रमुखलाइ श्रावण ५ गते बिहान १० बजेसम्ममा क्याम्पसमा सम्पूर्ण प्राध्यापकहरुको सामु उपस्थिति भै माफी माग्न समय सिमा समेत तोकेको छ । यसी सम्पूर्ण प्राध्यापकको सामु आई माफी नमागेमा कडा कदम चाल्न पब्लिक क्याम्पस प्राध्यापक संघ बाध्य हुने जनाएको छ ।
Comments