Sijo/सिजो-Shreeram Shrestha/श्रीराम श्रेष्ठ

 सिजो

- श्रीराम श्रेष्ठ 

१,

साँघुरो बाटो ठेल्दै अघि बढ्दा डरै डर

गन्तव्य पूरा गर्न आफैलाई हतार भो

रोकिदैन आधा बाटो अल्झिएछ छाँयामा ।

२,

बिपत्ति रोकिदैन खुट्टा चाल्दा कसै गरी

दु:खित भएपछि आत्मा बल तोडिजान्छ

भावना बाढ्दै गर्दामा आत्मीयता महान ।

३,

अन्याय सहदमा आफैलाई बोझ हुँदा 

बिद्रोह गर्नलाई आट गर्न सकिएन

फुत्केको ढिकि सम्झेर पाखा लाग्दै बसेको । 

४,

लिएर आफ्नो जति बाढिचुढी सबैलाई 

मिलेर अघिढ्दा स्वाभिमानी गीत गायौ

स्वार्थले भरिंदा गाग्रो चुहिएको एकता ।

५,

बितेका पलहरु टाँसिएर आँखामाझ

बिर्सन खोजे पनि ऐनाजस्तै भइदिन्छ

झस्किन्छ पलपलमा मरेजस्तै बिपना ।

६,

पर्खिएँ तिमीलाई आफ्नो मान्छे बनाउन

विश्वास गर्नुपर्थ्यो आफ्नै सम्झी नाता जोड्न 

तड्पिएँ लामो समय आफ्नो मान्छे भइनौ ।