बेलकोटगढी।बेलकोटगढी न.पा-९,नुवाकोटकी सावित्री गजुरेललाई अमेरिकाबाट अध्ययनका लागि आर्थिक सहयोग प्राप्त भएको छ।अमेरिकामा बसोबास गर्नुहुने मनकारी सहयोगी मन भएका मन बिस्वकर्माले जेहेन्दार विद्यार्थीहरुलाई अध्ययनका लागि भन्दै दुई जनालाई आर्थिक सहयोग गर्नुभएको छ।
जसमा नुवाकोट बट्टार बहुमुखी क्याम्पसमा स्नातक तहको सामाजिक शास्त्रमा अध्ययन गर्दै गरिकी सावित्री गजुरेल रु.५०,०००/- पचास हजार र चौरिदेउराली गाउँ पालिका नाग्रे,काभ्रेका बुद्ध लामालाई बौद्धमा रहेको स्तुपा कलेजमा डिप्लोमा इन फर्मेसी अध्ययनका लागि रु.८०,०००/- असी हजार आर्थिक सहयोग गर्नुभएको छ।
दुबैजनाका लागि प्राप्त उक्त रकम हस्तान्तरण भैसकेको सामाजिक अभियान्ता तथा कान्छीमाया माया फाउन्डेसनका सञ्चालक डाक्टर दिलबहादुर थोकर तामाङले दियाले न्युजलाई जानकारी दिनुभएको छ। बुद्ध लामाका अध्ययनका लागि कलेजमा तिर्नुपर्ने पहिलो बर्षको भर्ना पैसा तिरी सकेको र दोस्रो साथमा तेस्रो बर्षको भर्ना तिर्ने पैसा पनि केहि दिनमा तिर्दैछौ उहाले भन्नुभयो।डाक्टर तामाङले जेहेन्दार विद्यार्थी दुबै जनालाई उज्ज्वल भविस्यको कामनाका साथमा सहयोगी मनहरुमा धन्यवाद व्यक्त गरेका छन्।
Comments