बेलकोटगढी-३ कुमरी,नुवाकोटको श्री पोखरी आधारभूत विद्यालयमा न्यानो कपडा वितरण

कुमरी-नुवाकोट।बेलकोटगढी नगरपालिकाको वडा नम्बर ३ कुमरी,नुवाकोटमा रहेको श्री पोखरी आधारभूत विद्यालयमा न्यानो कपडा वितरण कार्यक्रम सम्पन्न भएको छ।उक्त कार्यक्रम कृष्ण प्रसाद पुडासैनीको प्रमुख आतिथ्यतामा भएको थियो।बोधिसत्व बिहारको सहयोगमा कान्छीमाया तामाङ फाउन्डेसनको सहकार्यमा भएको सोही कार्यक्रमको बिच जेष्ठ नागरिकहरुको स्वास्थ्य परिक्षण समेत गरिएको छ।

विद्यालयमा रहेको १५५ जना विद्यार्थीहरुलाई जाडो मौसममाको सुरुवात सङ्गै निरन्तर उपस्थित भै अध्ययन गर्न सहज वातावरण मिलोस् भन्ने उदेश्य अनुरुप बोधिसत्व बिहार र कान्छीमाया तामाङ फाउन्डेसनको सहकार्यमा संयुक्त रूपमा कार्यक्रम तयार गरेर अभियान सुरु गर्दै आएको कान्छीमाया तामाङ फाउन्डेसनका सञ्चालक डाक्टर दिलबहादुर थोकर तामाङले बताउनु भयो।देशका विभिन्न क्षेत्रमा यी र यस्ता थुप्रै किसिमका स्वास्थ्य सेवाका साथै राहत वितरणका कार्यक्रमहरु अझै निरन्तरता दिइरहेको समेत उहाँले बताउनु भयो।