लियो क्लब अफ नुवाकोट परोपकारले गरे १८ जना विद्यार्थीहरुलाई छात्रवृत्ति वितरण।

नुवाकोट-डिलबहादुर लामा।लियो क्लब अफ नुवाकोट परोपकारले १८ जना विद्यार्थीहरुलाई छात्रवृत्ति वितरण गरेको छ ।मङ्गलबार नुवाकोटका विभिन्न नौ विद्यालयमा अध्ययनरत १८ जना विद्यार्थीलाई पुर्ण छात्रवृत्ति वितरण गरिएको हो ।उक्त कार्यक्रम लायन्स क्लब अफ काठमाडौं परोपकार र लियो क्लब अफ नुवाकोट परोपकारको संयुक्त आयोजनामा भएको थियो। सोहि कार्यक्रममा लियो जिल्ला परिषद अध्यक्ष लियो प्रकाश थापा क्षेत्री र डिष्ट्रीक्ट को चिफ एडभाइजर एवम् पढाऔं अभियान कमिटीका सदस्य पार्वती खरेल पाण्डेको प्रमुख आतिथ्यता रहेका थिए।विद्यार्थीहरुका लागि वर्षभरी विद्यालयमा लाग्ने विभिन्न शिर्षकका शुल्कहरु र विद्यार्थी पोशक,साथै उनिहरुलाई चाहिने शैक्षिक सामाग्रीहरु वितरण गरिएका थिए।आफुहरुलाई निशुल्क शिक्षा लिनकालागी विद्यालयमा तिर्नुपर्ने सबै किसिमको आर्थिक स्रोत,विद्यालय पोशक र शैक्षिक सामाग्रीहरु उपलब्ध गराइदिएकोमा उनिहरुले LEO CHILD PROGRAMME 2021/22LY  कार्यक्रमको आयोजकप्रती धन्यवाद व्यक्त गरेका थिए।

क्लबले जिवनमा भुल्नै नहुने अभिभागत्व तरिकाले साथ सहयोग गरेको भन्दै विद्यार्थीहरुले खुशी  हुँदै धन्यवाद व्यक्त गरेका थिए।यसरी साथ सहयोग गरेमा आफुहरुले झन् मेहनत गरेर राम्रो स्थानका साथ उतिर्ण हुने गरि अध्ययन गर्ने प्रतिबद्धता समेत गरेका थिए।हेर्दा हासिला मुहार र देशका मेरुदण्डको प्रतिबिम्बित विकासका युवा खम्बा नेतृत्वको पुल अनि कर्णधार उनिहरु वास्तविक आटिला पारामा देखिन्थे।साच्चिकै भन्ने हो भने देशको जिम्मेवारी भोलिका दिनहरूमा कलिला तिनीहरु आजका बालबालिकाको काधमा रहेका हुन्छन्।गरिब तथा जेहेन्दार विद्यार्थीलाई अध्ययनरत विद्यालयमा तिर्नुपर्ने सबैखाले शुल्कका कारण र शैक्षिक सामाग्रीहरुकै कारणले विचैमा पढाइ छाड्न बाध्यता नभई निरन्तर पढाई होस् भन्ने उदेश्यले पढाऔं अभियान सञ्चालन गरेको डिष्ट्रीक्ट को चिफ एडभाइजर एवम् पढाऔं अभियान कमिटीका सदस्य पार्वती खरेल पाण्डेले बताउनु भएको थियो।

क्लबले गरेको सानो सहयोगबाट कुनै गरिब तथा जेहेन्दार  कलिला बालबालिकाहरुको भविष्य बन्छन् भने किन सहयोग नगर्ने उहाँले बताउनु भयो।प्रत्येक वर्ष झै २०२१/२२ लायन वर्षमा प्रस्तावित कार्यक्रम अन्तर्गत राखेको यस LEO CHILD PROGRAMME 2021/22LY पूरा गर्न ढिला भए पनि आगामी वर्षको कार्यक्रम समयमै हुने लियो क्लब अफ नुवाकोट परोपकार २०२१/२२ का वर्तमान अध्यक्ष लियो निश्चल श्रेष्ठले बताएको छ।क्लबले राखेको उक्त कार्यक्रममा आत्मासाथ गरेर हातेमालो गर्ने लायन्स क्लब अफ काठमाडौ परोप्कार र  अमूल्य साथ सहयोग गर्ने सबैजना लियो मनहरुमा धन्यवाद दिएका थिए।