तन्का- श्रीराम श्रेष्ठ , मनै कल्पिने…✍️

तन्का
श्रीराम श्रेष्ठ

१,
मनै कल्पिने
हरियो दृश्य देख्दा
साँझ परेको
मात्तिएको यो मन
थाम्नै नसक्ने बैँस ।
२,
पर्खी बसेँ म
समय बिते पनि
आशा नमारी
एक्लो बस्न सकिनँ
खोजेको भेट्टाइनँ।
३,
आँखा जुधेको
हिजोजस्तो लागेको
हिँडेको बाटो
जिस्किँदै यताउता
फरक अनुहार ।
४,
थाकेको साँझ
डुब्न लागेको घाम
नौलो प्रकृति
नरोकिने नियम
फेरिएको समय ।
५,
निलो आकाश
घुम्टाे हालेको माया
सुर्यास्त हुँदा
पहेँलिँदै रोएको
अँध्यारो बाटाे छेक्दा ।
६,
तिमी त टाढा
एक्लो कोठा एक्लै म
तर्सिने झ्याङ
एकोहोरो आवाज
शुन्यरात चिथोर्दै ।