दियालेमा सुरक्षित खानेपानी परियोजनाको काम सुरु

दियाले,बेलकोटगढी-४,नुवाकोट।नुवाकोटको बेलकोटगढी-४ दियालेमा सुरक्षित खानेपानी परियोजनाको काम सुरु भएको छ।धेरै लामो समयदेखि सुरक्षित खाने पानीको समस्या भोग्दै आएका बेलकोटगढी नगरपालिका वडा नम्बर  ४ दियाले सिक्रेपिपलका करिव ६७ घरधुरिले अब एक घर एक धाराको अवधारणा सहित सुरक्षीत खानेपानी   पिउन पाउने भएका छन्। नेभर थर्स्ट   परियोजनाको आर्थिक सहयोग र लिभिङ वाटर नेपालको प्राविधिक सहयोग तथा सामाजिक सहजीकरणको माध्यमबाट उत्त परियोजना सुरु भएको हो । नुवाकोट जिल्लाका विभिन्न स्थानीय तह हरुमा सुरक्षित खानेपानी योजना सम्पन्न गरिसकेको र केही योजना निर्माणको क्रममा रहेको जानकारी लिभिङ वाटर नेपालको नुवाकोट जिला हेर्ने  फिल्ड प्राविधिक अर्जुन क्षेत्रीले बताउनु भयो। 

फिल्ड प्राविधिक क्षेत्रीले दियाले वासिलाई सुरक्षीत खानेपानी घर घरमा पुर्याउनको लागि सहयोग गर्ने अवसर प्राप्त गरेकोमा आफुलाइ भाग्यमानी ठानेको कुरा व्यात्त गर्नु भयो । सम्पुर्ण उपभोक्ताहरुलाई खानेपानी तथा सरसफाइमा पहुँच पुर्याउनका लागि आफुहरु दिनरात नभनी अहोरात्र खटेर काम गरिहहेको खानेपानी उपभोक्ता समितिका अध्यक्ष चन्द्रबहादुर तामाङले बताउनु भयो । जिवनका लागि पानी भन्ने कुरालाइ आत्मसात गर्दै पानी मात्र होइन सुरक्षित खानेपानी उपलब्ध गराउन लागेकोमा स्थानीय बासिन्दाहरुको मुहारमा खुसी ल्याउन सफल लिभिङ वाटर नेपाल धन्यवादको पात्रको रुपमा रहेको स्थानीय पानी उपभोग कर्ता ईश्वर तामाङले बताउनु भयो ।