बेलकोटगढी चारमा मतदान कार्य सम्पन्न कुल मतदाताको ७४.९९ प्रतिशत मत खस्यो

बेलकोटगढी-४ । नुवाकोटको बेलकोटगढी नगरपालिका वडा-४ मा मतदान कार्य सम्पन्न भएको छ । जम्मा २४११ मतदाता रहेको उक्त क्षेत्रमा १८०८ मत खसेको निर्वाचन अधिकृतले जानकारी दिनुभयो ।

स्थानीय तह निर्वाचनको मतदान अवधि साँझ पाँच बजेबाट सम्पन्न भएको छ । यो सँगसँगै कतिपय जिल्ला तथा मतदान केन्द्रहरूको मतदान समापन भईसकेको छ ।

दुईवटा मतदान केन्द्र रहेको उक्त क्षेत्रमा पञ्चासे मा.विमा १३७० मतदाता रहेकोमा १००५ मत खसेको र विकास निमा.विमा १०४१ मतदाता मध्ये ८०३ मत खसेको मतदान अधिकृतले जानकारी दिनुभयो ।