DIYALE NEWS

 कटौता - पुष्कर लोहनी  १, घचेडी दियौ आँखामा आँखा च्याप्दै जमाएको पानीमा । २, धकेली दिँदा थकाउने पहाड  बजारियो खोंचैमा । ३, फुर्किने काग रुप बदल्दै छिर्ने ठुङ्ला है छोपिहाल । ४, अँध्यारो कोठा बढार्दा छिर्ला भित्रै कुचोसँगै लक्ष्मी नै । ५, तातो फलाम जमेको चिसो हिउँ  भेट मै पग्लिहाल्ने । ६, घचाडी दिँदा आँखाभित्रै डुबेछ जोगाएको माया त । ७, मन्दिर छिर्दा ढक्किभरि सपना  फर्कदा रगताम्य । ८, बाल्न खोजेको दीयो नै घोप्टिएछ भुइँ नै भिजाउँदै । ९, सुँघेको मात्र  फुलेको रातो फूल  ओइलाएको रस ।

 सिजो कविता    - श्रीराम श्रेष्ठ  १, राखेर तिमीलाई मुटुभरि सजायथेँ सम्झेथेँ विश्वासले आस्था निभ्न कहाँ देला आखिर लत्याइहाल्यौ दोबाटोमा एक्ल्याई । २, लेखेर चिठ्ठीपत्र उनीलाई पठाइयो बौलाह जस्तै भएँ तिनलाई सम्झिएर ब्यर्थको मुडे अडान देख्दादेख्दै जाकियो । ३, मायालु तिम्रो रुप हेर्दाहेर्दै लोभिएछु प्रस्ताव राख्नलाई आँट गर्दै लम्किएको मनको चाहनालाई बुझिदिँदा अनौठो । ४, तस्विर पल्टाउँदा झलझली आँखाभरि सकिनँ पन्छाउन गरेकी थ्यौ रुवाबास बाध्यता आफैं बोकेर टाढासम्म पुगेथें । ५, सोचेको माया जति घोप्टाउन सकिएन नजिक हुँदाखेरि आँखा पनि टाढा भयो  मनको पोको फुकाउँ भन्दा आफै चुँडितो । ६, इसारा बाटो बन्यो तिमीसँग भेट गर्न मनको सपनाले डोर्‍याउला तिमीलाई  तिमीले बिँउझाउँदा न्यानो घाम भागेछ ।

 तन्का १, सुखा बगर पानी तिर्खा लाग्दामा पिएँ पसिना इज्जत जोगाउन कसिएछ पटुका । २, वरपिपल  गर्मीले सताउँदा प्रकृति देन लोभि नजर पर्दा मासिएछ चौतारो । ३, बादल लाग्यो चट्याङ बजारिदा मानव हत्या बौलाएछ प्रकृति  मान्छेमा रुवाबासी । ४, मौलिक हक कागजमा सीमित  के के हो तन्त्र  राजनीति आडमा गर्‍यो बल मिच्याई । ५, खोलाको पानी  तर्नलाई मुश्किल आँटिलो मन दह्रो खुट्टा टेकेर चल्नखोज्छ अगाडि । ६, पोखरी भित्र  गुम्सिएको पानीले गनायो माछा स्वादै नभएपछि  वान्ता गर्दै छादेको ।

 करण तामाङ घ्लान "सायर"काे जापानी नयाँ डाेडाेइट्सुहरु नेपाली भाषामा  एक ) नबुझेर शेरेले घमण्ड हाे मृत्यु  मपाई चलाउँदै  बेलाबेलामा । दुई ) परदेशी मायालु  मुटु भित्र पसेर मच्चायाे हलचल  रच्दै कहानी । तीन) अँध्यारो काेठा भित्र  मायाकाे साइनो  हलचल बिस्तारै  राेपेछ बीउ ।  चार) बिहानीकाे क्षितिज  मुस्कानले स्वागत  नयाँ उत्साह देख्ने  तेज दिमाग ।

 सिजो कविता  - श्रीराम श्रेष्ठ  १, लिएर चोखो माया तिमीलाई साच्दै राखे निष्ठुरी बनेपछि एकलव्य बुन्दै गए मनमा सपना  बुन्दै कुर्दै बसेँ टोलाई । २, सम्झेको तिमीलाई मध्यरात आफ्नै ठानी बिर्सन नसकिने भएपछि आफै एक्लै यौवन साटासाटमा तिम्रो माया मात्तेछ । ३, सुन्दर उपहार उनीलाई साचिराखे अडिग पार्दै मन खुसी साट्दै बाँच्दै थिए  समय अपत्यारिलो निम्त्याएछ सुनामी । ४, सम्झेको तिमीलाई आफ्नो मान्छे दिलैदेखि एक्लैले चाहँदामा पूरा हुन्न मनोइच्छा बुझेर बुझ पचायो आफै पर्‍यो फन्दामा । ५, राखेथेँ तिमीलाई आफ्नै ठानी किनारामा विश्वास गरी हेर्दा धोका पाएँ तिमीबाट बाँचिन्छ छोटो समय सम्झिएर जीवन । ६, दिलको कुरा सुन्ने माया आफ्नो टाढा भयो लिलाम बिक्री हुँदा दोबाटोमा माया फस्यो कसरी भरोसा गर्ने आफैसँग टाढिने । ७, हृदय कोमलता जित्नुपर्छ माया गर्दै गरेर बलजफ्ती मूर्खतामा फसेपछि तोडिन्छ माया ममता सिसाजस्तै चर्केर ।

तान्का-श्रीराम श्रेष्ठ  १, चुचोको डाँडो हावा चल्यो बेसरी  थामिन गाह्रो  विचार पुर्याउँदै जोड्नुपर्छ गन्तव्य । २, अम्बाबासमा आँखा चिम्लि पिएको भागेछ डर पिउँदामा फ़ुर्तिलो  मात्तिएछ समय । ३, चर्केको घाम पसिनाले निथ्रुक्क थाकेको मन खोजेको शितलता गन्तव्य मरुभूमि । ४, बसन्त ऋतु दल्नुसम्म दलियो फागु पूर्णिामा  खुशियाली उमङ्ग प्रकृति जोगाउँदै । ५, सेतो हिमाल  आफ्नै आँखा टाँसिने मोहक दृश्य  प्राकृतिक सम्पदा  देशको पहिचान । ६, सुन्दर दृश्य  क्यानभासले छुँदा बिद्रम गाउँ एकोहोरो हेर्दामा लागेछ स्वर्ग जस्तो ।

 चोका कविता  -पुष्कर लोहनी  भेटै भएन आएको थाहा पाएँ गइछौ तिमी  गणेश नै छाडेर कुन्नी कहिले  कोसँग प्रिति बस्यो थाहा भएन याद आइरहन्छ झझल्को मात्र केको लागि छाडेको आकाशे रङ सपनामय आँखा सम्झिएपछि  माया बस्दो रहेछ छोएपछि त आकाश पनि खस्छ सम्झेको थिएँ  इतिहास भत्केछ एउटा चिनो तिमीले आफ्नै मार्‍यौ तल कोठामा  वास पाएको बेला रातभर नै बिहानीपख हेर्दा बिर्सन खोज्छु तिमी पो च्यापिएकी मुन्टोले पोल्छ सपना नै भिजेको खाल्डो भासिँदा ठाउँठाउँमा टाटो  जिस्किनेले जिस्किए ।