DIYALE NEWS

Posts

Showing posts from August, 2022

सडक रकम अभावले निर्माण सुरु हुन नसकेको भन्दै मेयर लामा डिपिआर बोकेर मन्त्रालय

काठमाडौँ । नुवाकोटको बेलकोटगढी नगरपालिकाका मेयर जगत लामा ३७ किलोमिटर सडकको डिपिआर बोकेर शहरी विकास मन्त्रालय पुग्नुभएको छ । बाघखोरबाट गल्छी त्रिशूली केरुङ मार्ग जोड्ने ३७ किलोमिटर कोल्पुटार डबली दियाले बाघखोर सडक रकम अभावले निर्माण सुरु हुन नसकेको भन्दै मेयर लामा डिपिआर बोकेर मन्त्रालय पुग्नुभएको हो । मन्त्री मेटमणी चौधरीसँग भेटेर मेयर लामाले सो सडक योजनामा समावेश गरी नगरपालिकाको केन्द्रलाई मुल सडकसम्म जोड्ने मार्ग निर्माणमा सहयोग गर्न माग गर्नुभएको छ । भेटमा मन्त्री चौधरीले डिपिआरअनुसारको सडक निर्माणको सो योजना कार्यान्वयन गर्नका बजेट व्यवस्थापन गर्ने प्रतिबद्धता व्यक्त गर्नुभयो ।

श्रीराम राईको ‘सञ्चो छ कि रोदन’ सार्वजनिक

श्रीराम राईको दोस्रो गीत सार्वजनिक भएको छ। २०७५ सालमा शिला खनालको स्वरमा ‘मधुमासमै मिठो साथ छुटेपछि रोएँ’ बोलको पहिलो गीत रेकर्ड गराएका राईले पुनः मनमा बी राईको स्वरमा ‘सञ्चो छ कि रोदन’ बोलको दोस्रो गीत सार्वजनिक गरेका हुन्। राईको शब्दमा ओमप्रकाश राईले संगीत भरेका छन्। ६ मिनेटको गीतको अडियो ओसन म्यूजिक नेपालको यूटुव च्यानलबाट सार्वजनिक गरिएको छ। ‘सञ्चो छ कि रोदन’मा स्वर दिएकी मनमा बी खोटाङकै उदीयमान गायिका हुन्। १० बर्से शिक्षण पेसा छाडेर २०७२ सालमा काठमाडौं छिरेका दिक्तेल रुपाकोट मझुवागढी नगरपालिका–७,दोर्पा,चिउरीडाँडाका राई साहित्य लेखन र पत्रकारितामा क्रियाशील छन्। गीतकार राई बालकथा,लघुकथा, हाइकु, मुक्तक, गजल, कविता जस्ता विविध विधामा उत्तिकै कलम चलाउँछन्। उनका बालकथासंग्रह ‘पोलेको मकै’ २०७८ र ‘टोली नेता’ २०७४ प्रकाशित छन्। संयुक्त लघुकथासंग्रह ‘आजका लघुकथा’ २०७४ मा पाँचवटा र ‘संयोग’ २०७९ मा उनका तीनवटा लघुकथा समावेश छन् भने उनको लघुकथासंग्रह प्रकाशनको तयारीमा छ। रावासावा प्राज्ञिक समाज नेपालका सदस्य राई लघुकथा समाज नेपालको पहिलो शाखा खोटाङका अध्यक्ष पनि हुन्।

कविता - गन्तब्य श्रीराम श्रेष्ठ , दृश्य /परिदृश्य

कविता गन्तब्य श्रीराम श्रेष्ठ दृश्य /परिदृश्य जीबनको गोरेटोमा टहटह जून चम्केको जुनेली रात एक तरह बजेको आवाज यताउता सबैतिर झरनाहरु सुसाइरहेका छन् गुन्जायमान छन् नदि नालाहरु चम्किरहेका छन् आकाशमा ताराहरु यी गाउँ /बस्तिहरुमा सन्नाटा र मौनता बस्ती पारी जङ्गलमा सुनिन्छ रुखहरु सुसाएको यो दुःखान्त यात्रामा एकैछिनको विश्राममा चिसो पवन चल्दा मनै प्रफुल्ल भइदिन्छ एकैछिन दुःखी मनलाई बिसाउदा एकोहोरो टोलाउन पुगेछु अाँखा वरिपरि किरमिरे धर्साहरु नियाल्दा नियाल्दै अनायास यो मन आकुल व्याकुल मडारिएको बादल अनि आँधिबेरी जस्तै बाफिएका मनका भावना जर्जर र आक्रान्त उन्मक्त भइदिन्छ पीडा र वेदनाले छ्टपटीएकाे मन एक्कासी बिष्फोटन हुन खोज्छ अफसोच मन आफै स्वतन्त्र भई पुनः मन तरल भैदिन्छ भावनामा लागेका चोटहरु मननमश्तिश्कमा कुरा खेल्दा अनायास बज्रपात हुने गरी छिचोलिदिन्छ ज्वालामुखी बिस्फोटन भए जस्तो क्षतबिच्छेत हुने गरी अनि कताकता अलमलिएको यात्री झै मान्छे मान्छेको भीडमा दोबाटोमा /चौबाटाेमा अनि बिरानो ससारमा म आफैलाई बिर्सन्छु भौतारिदै...

मण्डो कविता,श्रीराम श्रेष्ठ

मण्डो कविता श्रीराम श्रेष्ठ केटा ... रम्न खोजेको सुनौलो भविष्यमा समय कहाँ छ र ? केटी ... दु:ख बिर्सेर सुखको अनुभूति परिस्थिति अँगाल्दै । केटा .. घडी जीवन हेरेको कालचक्र के मृत्यु जितिन्छ र ? केटी .. आफ्नै रफ्तार फुलेको फूल रुपी मान्छेको कथाव्यथा । केटा .. आगो बनेर युद्ध मैदानमा उत्रे आफै जल्ने हो कि ? केटी ... मनमा शान्ति हुँदैन रिसराग भइदिए निर्धक्क । केटा ... आत्तिदो मन बाँचेको नैतिकता कसरी जोगाउने ? केटी ... गम्भीर हुँदै कर्ममा होमिएको चुलिएछ इज्जत !

रेंगा कविता श्रीराम श्रेष्ठ ,सामान्य लाग्ने…✍️

रेंगा कविता श्रीराम श्रेष्ठ सामान्य लाग्ने अँध्यारोसँग जुध्दै खोजेको सुख । समस्याको थुप्रोले थला परेको मन । अँध्यारो देख्दा आँखा चिम्म गरेर सम्झेको गल्ति । लाजलाई छोपेर बास खोज्न हत्तार । चोट र पीडा आत्मासात गरेको भाग्य रित्तिंदा । बेहाल जिन्दगीमा समस्याले छोपेको । सान्त समय लोलायका नयन आँखै दबेको । डरलाग्दो आवाज निरीह बलवान् । संकट पर्दा देख्यौ तानव नृत्य निरीह बन्दै। खुम्चेर बस्दा बस्दै विस्फोट मनोभाव ।

चोका कविता -श्रीराम श्रेष्ठ नौलो संसार…✍️

चोका कविता -श्रीराम श्रेष्ठ नौलो संसार सपनाबाट बिम्झे चर्को आवाज चारैतिर पर्खाल आँखा उघार्दा सोचाइ अलमल्ल तनाव लिदा एकोहोरो मनमा नैराश्यताले उजाडिएको रुप हासौ कसरी परिवर्तित दिन अतीत रोयो कालो पोतेको दृश्य थुप्रेको डर खुम्चेर बस्दा बस्दै मौन समय टाउको उठाउँदा लाज हुत्तेर तगारो बनेपछि बनेको स्तब्ध समयले लघार्दा दु:ख च्यापेर पीडाको भारी बोक्दै हिड्न खोजेको अन्त्यहिन गन्तव्य दोधारे हुँदा भक्कानिदै रोएको भड्केको मन भुइँको छाया हेर्दा आफैदेखि डराए ।

शनिबार बिहान ५ बजेर २६ मिनेटमा गयो ५.३ म्याग्निच्युडको भुकम्प नुवाकोटको बेलकोटगढीमा केन्द्रबिन्दु

बेलकोटगढी।नुवाकोट बेलकोटगढी केन्द्रबिन्दु बनाएर ५.३ म्याग्‍निच्यूडको भुकम्प गएको हो । भुकम्पको धक्का भने आसपासको जिल्लाहरुमा समेत महसुस भएको छ । शनिबार बिहान ५ बजेर २६ मिनेटमा भूकम्पको गएको भुकम्प मापन केन्द्रले जनाएको छ । साउन १५ गते खोटाङ केन्द्रबिन्दु भएर ६ म्याग्‍निच्यूडको भूकम्प गएको थियो । पछिल्लो समय पराकम्पभन्दा पनि नयाँ भूकम्प जाने क्रम बढेको छ ।

``च्याँखे दाउ´´ मा सबै भाषा समाबेश ।

हलेसी अनलाई मिडिया ग्रुपको प्रस्तुती रहेको टेलि सिरियल ``च्याँखे दाउ´´ हलेसी अनलाईन मिडिया युटुब च्यानल बाट सार्वजानिक भएको छ । टेली सिरियलमा नेपाली भाषा, तामाङ भाषा, राई भाषा, नेवारी भाष लगायत विभिन्न जनजातीको भाषा एउटै टेली सिरियलमा हेर्न सकिने निर्देशक जयन कुमार मोक्तान नेपालमै पहिलो रहेको दाबी गर्दै जनाकारी दिनु भएको छ । निर्देशक मोक्तानकै कथा, छायांकन र सम्पादन रहेको यस टेलि सिरियलमा जयन कुमार मोक्तानकै शिर्ष गित रहेको छ भने त्यसै शिर्ष गितलाई आर.बी. सिङतानले संगित तथा संगीत संयोजन गरेको छ । आर.बी. सिङतान र प्रमिला राईले शिर्ष गितमा स्वर दिएको छ भने यस टेली सिरियलमा कबिर सेन्चुरी, प्रमिला राई, अर्जुन श्रेष्ठ, एलेक्स महर्जन, संगिता खडकी, अजय पुतुवार, रोजि जोशी, रोजनेन शर्मा, चित्र कुमार निरौला, अस्मिता अधिकारी, हेम लामा, मेनुका कार्की लगायतका कलाकारहरुको अभिनय रहेको छ । https://youtu.be/SenZT1nmgvg