DIYALE NEWS

 सिजो कविता  - श्रीराम श्रेष्ठ  १. अँध्यारो आधारात संझनामा तिम्रो याद कोल्टदै निदाउन नसकेको अवस्थामा जिस्कायो आँखा तरेर तिम्रो मेरो सम्बन्ध । २. घामको उज्यालोमा रमाइलो अनुभूति  समय पर्खिबसे रोकिएन मेरा लागि  अन्तत जिउनै पर्‍यो  भाताभुङ्ग जीवन । ३. निधार खाली रह्यो तिहारको समयमा  प्रदेस गएकाले बहिनीको मन रोयो सम्झना मडारिएर देखा पर्‍यो तिहार ! ४. राखेको तिमीलाई हृदयको छहारीमा ममता जगाउनु पर्ने थियो तिमीबाट  मरेको जीवन कथा अल्झिरह्यो हाँसेरै । ५. राखेको तिमीलाई हृदयको छहारीमा ममता जगाउनु पर्ने थियो तिमीबाट  मरेको जीवन कथा अल्झिरह्यो हाँसेरै । ६. संयोग भन्नैपर्छ भेटघाट तिम्रो मेरो  विश्वास गरेकै हो घात भयो तिमीबाट ढिला भो प्रेम प्रस्ताव यो मनले स्वीकार्न ।

 हाइकु - श्रीराम श्रेष्ठ  १. पशु मारेर बहादुरी सम्झने मूर्ख मानिस ! २. दु:खेको मन बिर्सने प्रयासमा बल्झियो झन ! ३. जिउँदो लास  जिस्कायो समयले बिर्सिदै लाज ! ४. डाँडाको घाम उज्यालो खोज्ने दाउ अँध्यारो छिर्दा ! ५. शङ्कालु मन आफू मात्र सम्झने यस्तै चलन ! ६. भेट्ने कहिले निउ खोज्ने त्यो मन रिस खोतल्दै !

 सिजो कविता  - श्रीराम श्रेष्ठ  १. आपत्ती खेप्दै जादा नाङ्गो मन छरिएछ मान्छेको चरित्रमा हिलो छ्याप्ने जतासुकै कारण बिनाको शङ्का पचाउने फलाम । २. सम्बन्धै तोडेपछि  देखापर्नु ब्यर्थ हुन्छ नगरौ रिसराग आफ्नो सुर आफै गरौ नदीको दुई किनारा तिमी पारि म वारि । ३. कसम खाएपछि दह्रो मन हुनुपर्छ  बोलेको कुरालाई आफ्नो ठान्न सक्नुपर्छ  सत्यता सबैको प्रिय बचाउन गाह्रो छ । ४.  अमुल्य जीवनमा बुझ्नुपर्छ आफैलाई सङ्घर्स गाथा बोक्दा खुट्टा चाल्न जान्नैपर्ने अडेको समय सीमा बचाएर हेरेमा । ५. भाग्यले साथ दिंदा सफलता मिल्दै जान्छ बुझेर खुसीलाई अँगालोमा बेर्नुपर्छ सम्झेर कर्तब्यबोध भइदैन निराश । ६. रहस्य खोजी गर्दै आफैलाई भुलेपछि बाध्यता बिताउदै घमण्डमा फसेपछि बेकार शङ्कामा फस्दा चिप्लिएछ समय ।

  नुवाकोटको बेलकोटगढी नगरपालिकाको ३, ७, ८, ९ र १० नं. वडाहरुमा ७ दिनका लागि निषेधाज्ञा जारी गरिएको छ । कार्तिक २ गते लिईएको स्वावमा ८ जनाको रिपोर्ट पोजेटिभ आए संगै नगर क्षेत्रमा संक्रमण दर बढ्न सक्ने भएकाले निषेधाज्ञा गरिएको नगरपालिकाले जनाएको छ । उक्त वडाहरुमा आज(कार्तिक ९ गते) बिहान १० बजे दखि ७ दिन सम्म लागु हुने गरी निषधाज्ञा जारी गरेको छ ।

 हाइकु - श्रीराम श्रेष्ठ  हाइकु १. दशैँ तिहार रमाइलो मानिन्छ   टोकेर जिब्रो ! २. साइनो जोडेँ विश्वास साटे पनि  धोका उम्रियो ! ३. विश्वास गर बनेर फराकिलो खुम्चेला आफै ! ४. जुवाडे बन्छौँ आफैलाई बिर्सेर चिम्लदै आँखा ! ५. हारेको युद्ध  सम्झन्छु सधैंजसो आपत पर्दा । ६. आँखा चिम्लदै मायाको अङ्गालोमा सपना हास्यो । ७. एकान्त बास मनमा कुरा खेल्यो भुँइ रित्तो छ । ८. तानेर हाले रित्तियो पानी सबै मन बुझेन । ९. कालो पोखरी  स्पर्श गर्न खोजेको आएछ वान्ता । १०. आगोको लप्का सबैतिर छरिदा खरानी मन । ११. जाडो छ अति  हिउँको थुप्रोभित्र  खोजिदै तातो ।

 सेडोका कविता  - श्रीराम श्रेष्ठ  १. मायाको बाटो  तगारो बिछ्याउँदा गन्तव्य नै रोकिने । साँघुरिएछ पन्छाई मनलाई चुम्नुपर्छ उद्देश्य । २. कपटी माया विश्वास गर्न गार्‍हो  मन सधैँ शङ्कालु । बैगुनी हुँदा  चुलिएको झगडा परालको आगो भो  । ३. पुरानो माया आँखा भित्रै टाँसिदा हुन पुगे भावुक । ताजा सम्झना जिस्काउँछ यादले पुगेछु टोलाउन । ४. प्रेम प्रस्ताव  हतारमा राखेको करेन्ट बन्दै टाँस्यो । हृदय खोल्दै नाता गाँस्न खोजेको जागेको माया साटिँदै । ५. मायालुलाई अँगालोमा बाँधेर खोजेको साट्न । दिलकी रानी जिस्क्याउँन आउँछ  घाइते मन बोक्दै । ६. टाढाको माया बिर्सन खोजे पनि भूत बन्दै तर्सायो । लामो समय अतीतका घटना  सम्झिदिँदा आनन्द ।

 बुसोकुसेकिका कविता  - श्रीराम श्रेष्ठ  १. मायाको बाटो  सपना साँच्दै हिँडे लैला मजनु आँसुको भेल बग्यो एक्लो जीवनकथा तर्सिएको सपना । २. अँगालो मार्दै मायामा बेरिएको मीठो सपना  गुलाबी रातो मन अडेर माया गाँस्दा संसार रमाइलो । ३. वीर पुरुष  बलिदानी आफैमा खुम्चेकाे सान निरङ्कुशता ढल्यो गौरवमय गाथा मेटियो योगदान । ४. धमिलो छाया मान्छेको जिन्दगीमा  बगेको खोला आँटले तर्न खोज्दा लर्बराएको खुट्टा  सुख खोज्दै हुत्तिएँ । ५. अङ्कुश थाप्दा तन्काउँदै समय दु:खित मन मरेतुल्य जीवन  सङ्घर्षको चपेटा सुख लुट्ने प्रयास । ६. आगोको मुस्लो दनदनी बलेर खरानी रुप गरेको रिसराग समस्याको पहाड रातो आँखा तर्सिँदा ।